胡子彤自称公司最型男生 同古天乐比即改口：老板永远第一
撰文： 赖家杰
出版：更新：
四名新晋小鲜肉，包括：胡子彤、吴肇轩、林家熙及胡卓希出席由曾华倩、朱慧敏和乐瞳主持的节目《今晚见》的录影。身为众人师兄的胡子彤开玩笑要哄一班姐姐开心：“讲下工作上嘅计划，咁三人当中我就同轩比较熟，所以会分享一下大家之间嘅故事岀嚟畀观众知道。”
兄弟班当然会有比较下边靓仔同型仔啦，子彤就话靓仔唔敢当，型仔就绝对系佢：“我唔系走靓仔路线，但有型就绝对系全公司第一。”子彤咁讲莫非佢觉得自己靓仔过老板古天乐？子彤都立即吓一吓：“哗.....咁讲野嘅，呢段说话唔出得街，老板永远系第一。”
而胡子彤虽然早前喺女友欧铠淳生日派对中，邀请咗薛凯琪做神秘嘉宾，但女友正日其实系月尾，欧铠淳早几日接受访问时候都表示期待子彤会有一个不一样嘅惊喜，但子彤透露其实未准备好：“礼物就当然买咗啦，但食饭地方就未准备，女友当然话求其食冇所谓啦，但你知道女孩子口里说不...心里面一定系想食好啦。”