谢霆锋称唔入行会向电竞发展　狄波拉：早知唔阻你打机啦

潮流兴集体回忆，八九十年代听开嘅歌、追捧嘅偶像，甚至那些年嘅饮品雪糕推出复刻包装，一样大受欢迎。最近有网友喺讨论区留言，想当年无手机嘅年代放学赶返屋企打机，最怕俾阿妈捉到吓到个心离一离。以前打机就话无出色，但今时今日“电竞”已经发展成体育竞技，讲起打机，圈中有唔少艺人都系“机友”有啲仲组电竞队比赛添。

日前，谢霆锋以代言人身份，到西安出席手机游戏宣传活动，霆锋话对上一次去西安，已经系04年嘅事。活动上，大会主持问霆锋有冇玩过代言嘅游戏，佢就话最钟意就系玩RPG Game，“我用好多时间去打机㗎！我记得同过我阿妈（狄波拉）讲，如果我唔系入咗行，我系会向电竞方面发展。”佢仲话以前打机嘅年代唔似得而家，“而家打机系有好多途径知道攻略、关于游戏嘅资讯，我以前打嘅时候好‘寂寞’。”而家打机（电竞）已经发展成为体育竞技，随之衍生的电竞产业更达亿亿声，霆锋笑说，“我阿妈同我讲：‘早知游戏市场咁大，当初我就唔阻你啦。’”