【栋仁．专访】赖慰玲直肠直肚唔怕得罪方丈：我原意都系为件事啫
【唔怕讲嘢得罪人】
无线剧《栋仁的时光》接近尾声，当中饰演丘茵茵一角的赖慰玲，因为不平则呜、有𠮶句讲𠮶句、连上司及老板都开波的性格，令不少敢怒不敢言、在公司正职是受气的打工仔，也为她的表现而不自觉鼓掌。原来，现实中的赖慰玲也是个大情大性之人，她亦觉得与丘茵茵的性格很接近，更试过与上司据理力争：“丘茵茵只不过有𠮶句讲𠮶句，兼唔识去修饰啫。其实我自己有时都会咁架，但都讲咗先啦，因为我系个嘴快过个脑𠮶啲人。事后会觉得‘死啦，点解讲咗呢啲嘢嘅？’”
难道就不怕“方丈份人好小气”？她说：“无嘅，基本尊重系一定要有，唔等于唔尊重上司，我原意都系为件事，又唔会搞到返唔到转头咁夸张。有时觉得自己无乜礼貌，咁咪‘唔好意思，我头先系咪无礼貌？’我会问返嘅，对方知道我系为件事就ok无问题啦。我以前可能无咁够胆去讲返件事，但大咗之后会觉得讲完后大家心里就唔使有条刺，同埋都系讲一句啫：‘喂，你今日系咪觉得我太粗鲁？对唔住。’即系好小事就可以令到人与人之间无咁多隔膜，何乐而不为呢？”
【被重用的TVB非亲生女】
或许正因这种真性情，令赖慰玲在被喻为“大染缸”、是非多、你不犯人人自犯你的娱圈电视城中，成为真真正正只为演好戏的好演员。“我谂我系一个真正演员啰，大家揾我系做戏，而TVB同我嘅关系就系你俾戏我做，我帮你做戏啰。我觉得咁样纯粹啲，啲嘢亦会简单啲，剩系拍同唔拍。”
所以至今她仍未成为TVB亲生女，但TVB仍继续找她拍剧，且角色并非只是客串、充当二打六，更多是配角，甚至女主角之列。想必会令不少在TVB打滚经年，但仍未被重用的亲仔女眼红吧？“无㖞！我谂大家都知道我系个剩系想做戏嘅人，我无顾虑咁多呢啲嘢，所以呢啲嘢就自然唔关我事，只要你知道自己个重点系咩啫，我系咁觉得啰。同埋我生仔过去呢大半年好耐无返TVB，唔会造成有竞争啦，有剧时我就返TVB，无剧时我就凑仔。”
【演得之人】
在圈子内不争，或者更易建立正面形象、更易构筑自己关系良好的人脉，但不一定令你的工作机会接踵而至，毕竟实力很重要。赖慰玲可说是两者俱备。“5年㖞，我人生最青春𠮶5年，由20岁读到25岁都投放咗喺演艺学院度。呢5年演艺学院嘅旅程入面系帮咗我好多，最简单嘅系你攞咗剧本点分析吖？唔系个个识架！起码我会识得点样进入一个剧本、知道点去分析剧本、点样做得更加好、点样做资料搜集。呢啲系我𠮶几年不断去学习嘅嘢，所以我嘅优势就系我有一定嘅基础先再行入电视圈啰。”同理，同样来自演艺学院、舞台剧出身的虾头和泰臣，一样很演得。
【栋仁．专访】赖慰玲结婚生仔大过天 买唔买楼摆唔摆酒都系次要
【《栋仁》(动人)的胎教】
演得，是否就代表埋位拍摄一take过？赖慰玲自信地说自己很少NG，不过拍《栋仁》时林子善却常“累”街坊：“佢唔系唔记得对白，唔系唔记得做咩，而系佢谂到好多嘢玩，佢可能做做下戏突然间：‘咪住先，呢个位我想再加啲嘢。’佢呢条友真系好多嘢玩。不过大家都好钟意佢嘅，有佢喺度气氛好好多。你知我哋通常系office戏，如果大家都好认真系好闷，出嚟你未必想睇，但有佢喺度成个office即刻生猛晒，你个office有个好玩嘅人先无咁闷架嘛。”
难怪赖慰玲说虽然佗B时正在饰演很多牢骚的丘茵茵，但不会影响她的胎教，一来演戏是假的，不是真情绪，二来是拍摄时气氛融洽，与袁伟豪、黄长兴、林子善等人相处得很开心，因此更偏向“俾咗好多好开心嘅能量BB，系最好嘅胎教”。