【栋仁．专访】赖慰玲结婚生仔大过天 买唔买楼摆唔摆酒都系次要
【结婚打大佬：外母】
据政府统计处于2018年1月15日出版的《1991年至2016年香港的结婚及离婚趋势》显示，男性和女性首次结婚的年龄中位数于2016年已上升至31.4岁和29.4岁。2018年，迟婚现象定会更趋普遍，年龄中位数定会有增无减。
作为一个过多几年便达“首次结婚年龄中位数”的男性，对于结婚，当然首先你要有个女朋友，然后就算女朋友不介意你收入低、无父干、未有车又未有楼，但伯母呢？看过卢宛茵的《公屋●居屋●私楼》、看过《逆缘》的上海婆徐家媛（马海伦饰）与贺永年（黎耀祥饰），坦白说，有压力。偏偏，赖慰玲与男友未置业，甚至未结婚，但先生B。
“（借问声当初你丈夫点过到未来岳母𠮶关？听闻最后婚礼、酒席都好似……）完全无问题，因为我家族好大，一拜年可有五、六十人，每个都系廿几岁结婚生仔，我已经去到30岁，所以对佢哋系：‘仲未结婚生仔？’当我话有咗喇，佢哋会话：‘哎，咁就好喇。’
“同埋摆酒系为咗长辈，咁我真系唔想㖞，又唔想太攰，加上我好唔钟意摆酒时有9成人我都无同佢哋倾过偈，所以宁愿人少少只系屋企人食餐饭，跟住对其他朋友就话：‘我结咗婚喇，不如出嚟食个饭啦。’或者依家生咗小朋友就：‘喂，不如一齐嚟睇下BB啦。’我会钟意系咁啰。”赖慰玲说。
【摆酒为边个？】
话虽如此，但作为男士怎也担心连酒席也不摆，外家会有“意见”，因此就算明知摆酒只是往长辈面上贴金，也情愿花费这一笔钱（说到底或者只是男性自尊心作祟）。
赖慰玲说：“都系架，所以佢（老公）会不断问我你有啲咩想做、想要，例如使唔使上头？咁我就问我阿妈，佢话上咁我咪上啰；使唔使过大礼？阿妈话过咁咪过啰。有要求就出声，有咩想做就做，咁就得架喇！反而唔好谂有咩唔想做，咁样成件事会搞到唔开心。”就似佛偈，嗒落有智慧。
【栋仁．专访】赖慰玲直肠直肚唔怕得罪方丈：我原意都系为件事啫
至于置业问题。“买楼？日日都咁谂架啦！我都系个蚁民，想买楼又买唔起，一直都系租楼交紧租，所以有阵时咪就系睇你几想做𠮶件事啰。如果你真系想结婚生仔，其他嘢唔会阻到你，当呢啲嘢阻到你嘅时候就系籍口。如果阻唔到时，咁就系你真正想做嘅嘢。”听完赖慰玲这样说，巴丝们有勇气了吗？膊头轻了吗？想成家了吗？