【逆缘】被逼翻睇4年前HeHe场面　陈家乐掩面劲尴尬：有少少刺激

陈家乐最近凭住无线《逆缘》劲入屋嘅冷冻人角色弹起，一班同佢出生入死、一齐为英皇效力好朋友都好戥佢开心，仲经常帮佢喺网上造势添。最近一班英皇艺人搞嘅搞笑facebook专页“冤枉娱乐”，就播出一条逼陈家乐翻睇自己喺2014年微电影《爱，不难》嘅演出片段，搞到陈家乐鬼死咁尴尬。

【逆缘】陈家乐加入社署特别调查组　现实系负责帮社署查家宅？

陈家乐喺《爱，不难》里面就同游学修做一对HeHe情侣，而故事就主要讲游学修发现前男友有爱滋病后，就同陈家乐一齐做病毒测试，最后两个嘅测试结果都系呈阳性反应。不过呢啲都唔系重点，重点系陈家乐同游学修有唔少亲密场面，先有全裸陈家乐喺浴缸环抱游学修，后有双方两度肉紧激吻。

【逆缘．专访】陈家乐极穷被迫过隐青生活：冇钱到饭都唔敢食！

重温陈家乐同游学修喺《爱，不难》嘅两场激咀场面：

当陈家乐翻睇到自己同游学修嘅激咀片段时，就即刻吓咗一跳，“Wow”出声兼弹后掩咀，仲话自己唔记得咗有呢一幕。之后，陈家乐就分享返当时嘅感觉：“锡男仔同锡女仔有咩分别，就系锡男仔，尤其是系游学修，佢好多须根，一锡落去𠮶种好拮嘅感觉，系平时锡女仔唔会有嘅感觉嚟，带有少少刺激。”仲讲到尴尴尬尬咁，相信好多女士都会赞佢表现Cute爆。