【多图】倪晨曦传授IG、Youtube经营秘诀　想学佢就一定要睇

倪晨曦（Elva）一直都是网民追看的对象之一，无论是她的Youtube频道或是Instagram也好，都有不少粉丝持续追踪。早前倪晨曦更拿到了“香港市务学会”颁发的“美容界KOL奖”，足以显得倪晨曦在KOL界以及社交平台上的号召力。今日（4月12日）倪晨曦出席时装活动接受《香港01》访问，她提到其实要保持一定的粉丝数，其实一点也不简单。倪晨曦更即场传授了3个“如何经营个人社交平台”的方法。女生们，学嘢啦！

1. 有规律地上载内容（相、影片）

“因为唔可以post咗一条片之后半年之后先post第2条。开头我都觉得唔系咁难，但系点样维持一个星期一条，呢个系一个好大考验。例如我个youtube就系一个星期一条片，呢个一定要好规律咁做，就好似电视节目咁令人记得每个星期都嚟睇你嘅嘢。其实我都试过3个月冇出片，跟住啲粉丝就会流失咗。Instagram嘅话我就会每日都会post相。（会唔会甩咗1，2日？）冇㗎，我维持咗3年都冇甩过。”

2. 时间管理、自发性

“呢样好紧要，因为你做呢样嘢要好自发性。始终呢一样嘢冇人会教你点做。喺呢个冇人教你做KOL嘅情况底下，管理时间系好重要。因为你要接收好多资讯，同埋睇人哋啲嘢，而家最兴嘅，最好玩嘅系乜嘢。再之后就系要创造自己嘅内容，其实好费时间，因为要时间去影相，又要时间去写嘢。”

3. 编辑、排版、相片风格

“我觉得Instagram post嘅相，都系要揾到一个属于自己嘅tone。有啲人好劲㗎，例如今个月系偏粉红，下个月就偏蓝色。我觉得呢个都要自己去考虑。（妳会唔会有自己嘅色系？）我自己就冇，但系我钟意好多彩色嘅，所以你见到我Instagram入面系好鲜艳嘅颜色。pose嘅话，我觉得系睇自己嘅性格，展现到自己就得。有阵时有啲女仔姿势好夸张，但系佢哋啲相又靓㗎㖞。总之就统一，令人一望你个版面就知你系咩人，呢样嘢好紧要。”