倪晨曦素颜都咁靓梗有原因　“1个星期做6次瑜珈”

倪晨曦（Elva）出名人靓身材好，自早前ViuTV节目《全职妈妈放大假》播出后，更因为节目中展露温柔又有爱心的一面，俘虏了不少网民的心。网民除喜欢倪晨曦有爱心的内在之外，更有不少人认为Elva“无添加”的素颜也十分吸引！

倪晨曦接受《香港01》访问时说：“虽然化妆嘅技巧都好紧要，但系平时做清洁同埋保养系好紧要！你用咗几多嘅时间照顾你个样，其实都好关事。譬如我自己每晚冲完凉，都会预咗半个钟至45分钟去做护肤，会做下啲清洁嘅masks同埋护肤嘅masks。譬如我每一晚，都会用唔同种类嘅masks，我觉得呢一啲，女仔都系唔可以偷懒！”

虽则说外在支援好紧要，但原来倪晨曦在饮食上亦都下过苦工。 Elva：“饮食方面我食得好清淡嘅。譬如宜家我改咗食素都差唔多5个月，觉得个人冇咁水肿，同埋皮肤嘅颜色都好似光啲，系有分别嘅。我食肉𠮶时，朝早起身块面会好似猪头咁水肿，要‘旱’好耐先可以烧晒肿。宜家就冇咗呢个问题。”

作为瑜伽珈导师的倪晨曦，她表示平日的运动主要以做瑜珈为主。“我就做得比较多，一个星期都会做（瑜珈）5至6次。如果可以每日都做一个钟左右（瑜珈）就系最好嘅！”在烦忙的工作中，原来Elva都有keep住“开班授徒”，她说：“今年来讲就会开比较多唔同嘅堂，近排点每个星期六晚就有帮adidas教瑜珈堂。”倪晨曦仲话呢个瑜珈堂系免费参加㗎！不过，各位巴打们就可能要失望，因为Elva教授的课堂只接受女性报名⋯