倪晨曦教妳点样对付挂住“打机”嘅男友　简单3招就搞掂

互联网上一直流传著一句说话：游戏机是女人的天敌，这句说话是没错的。昨晚《Monster Hunter World》推出之后，相信不少女性都深深体验到它的威力。

如果男朋友沈迷打机而冷落自己，又点令佢回心转意呢？同样有另一半的倪晨曦（Elva）接受《香港01》访问时说：“我可能会系咁引佢去玩啲outdoor activities（户外活动）。同佢讲：‘不如出去行下山，踩下单车；再唔系就趁住weekend（周末）去下南丫岛。即系令佢唔好系屋企对住部机。”

倪晨曦（Elva）亦提出另一个解决方法：“又或者就系俾佢‘打爆机’就会返转头理我。一系就俾佢玩到好劲，一俾佢玩完。（记者：做你男朋友都几幸福㖞，唔理你冇事不特止仲可以打爆机。）哈哈哈。我觉得要俾大家空间，因为我做嘢都会好into件事，譬如我画画唔睬你，又或者好专心剪片睇YouTube。”所以话，倪晨曦（Elva）系“完美女友”真系冇讲错。

之但系如果以上2种方法都无效呢，倪晨曦（Elva）就话仲有一个对付方法：“停佢电啰，同佢讲屋企冇电，又或者要维修，令佢可以停落嚟唔打机。（记者：呢招都几毒㖞。）哈哈，最少我唔会打烂佢啲嘢：我唔小心泼啲滚水落去烧咗部机咁。（记者：停电又停佢几耐？）停一日先啰，睇下佢有咩反应，最少𠮶一日你可以同佢沟通到。不过又唔可以停太多日，因为佢自己好想打嘅话佢会整返好。”

不过大家留意返，倪晨曦（Elva）男朋友最多只会打下Pokemon GO。所以以上方法有效与否，大家就需要多多斟酌。