雨侨户外婚礼幸福出嫁　罗力威：希望佢家人满意安排

3月31号除咗系红日，大家齐齐有假放休息下之外，仲系罗力威同雨侨拉埋天窗嘅大喜日子。佢地选择喺浅水湾举行户外婚礼，蓝天白云下对住海景许下一生承诺。注册仪式过后佢地会见传媒时，自动波咀完又咀锡足成分钟，相当冤气！好多人话搞婚礼新娘永远无得瞓，不过佢地原来刚刚相反，新任罗太话：“所有嘢都系佢搞架。”

罗生罗太呢日筵开18席午宴，接受访问时笑到见牙唔见眼：“今日唔系行传统路线，我地系行嫁给我路线，轻快活泼开心，心花怒放feel。”新娘子身穿心型胸婚纱，腰间仲以透视设计，相当性感，威威有无事先过目㗎？“其实我觉得好靓呀！影相时𠮶套咪仲性感，我接受到嘅。”
 

搞婚礼对新人来讲绝对系感情大考验，男士们经常被投诉无意见兼参与度低，咁罗力威又系咪猪队友呢？雨侨即刻抢答话：“佢当然唔系猪队友啦！成个婚礼都系佢负责架，我瞓得好好呀。奉劝所有将会结婚嘅新娘子，边个book场都好，记得将场地布置交俾你老公，咁佢就会中伏架啦，因为同Deco音响乐手摄影师等联络交晒俾佢烦。 ”

雨侨对老公安排相当满意，老公仔罗力威就话：“其实佢满意就得㗎啦，亦都希望佢屋企人满意啦。讲真呢件事系用个好复杂好多心血嘅做法，令大家睇落简单，就系最高境界啦。”

【多图】胡杏儿御用星级影楼 雨侨罗力威森林婚照原来喺香港影

 【多图】艺人婚照类型多元化 岑丽香陈柏宇孙慧雪各有特色

雨侨罗力威欧式喜帖曝光 经典品牌婚戒惹女士羡慕

 【补办婚宴】吴日言古迹摆酒 先等入会再经英文面试：比想像中难

同公司嘅容祖儿、钟舒漫、何浩文等都有到场见证分享喜悦，抛花球仪式中佢地就将幸福抛俾陈嘉桓。雨侨表示：“呢个月好多人怕落雨潮湿天气唔好，但我地今日真系全个月最好天嘅一日！”呢个时候罗力威搭咀话：“Sorry，系全年最好天嘅一日，系稍微热咗两度左右，不过真系好好天。”你地嘅大好日子，点都会系好日啦！