【多图】胡杏儿御用星级影楼　雨侨罗力威森林婚照原来喺香港影

雨侨同罗力威结束8年爱情长跑，公开婚照宣布3月摆酒结婚，除咗戥佢地开心之余，婚纱相都相当吸睛﹗身上礼服系星级艺人赞助之余，大家都相当好奇佢哋到底飞咗去边度影婚照，森林景相当特别。唔使估估下啦，其实成辑相都喺影楼室内完成，仲要唔使离开香港！

【多图】艺人婚照类型多元化 岑丽香陈柏宇孙慧雪各有特色

雨侨罗力威结束8年爱情长跑 公开婚纱照宣布331拉埋

Model出身嘅雨侨摆Pose绝对难佢唔到，婚纱晚装由胡杏儿嘅公司Kevolie赞助，心型胸婚纱上绣满立体花花及珍珠，高贵又有气质，望真啲腰侧仲有少少透视；至于晚装方面，由于雨侨钟情满天星图案，所以 see through 裸色晚装特别加上银色满天星图案设计，非常性感亮丽，至于罗力威嘅两套男礼，就出自苏志威嘅LUXE Tuxedo。

【多图】影楼婚照重新翻Hit 雨侨罗力威森林婚照受追捧

男士们睇衫可能无咩感觉，咁就不如睇景啦。雨侨同罗力威公开婚照中有两个场景，一个系喺落地大窗前，配以大量满天星布置作背景，纯洁又有气质；而另一场景系以挂上灯泡嘅森林作为拍摄背景，充满浪漫童话感觉。

原来两个场景都系位于香港嘅万呎影楼ByBen一角，摄影师Ben系婚摄界红人，胡杏儿嘅婚纱照、大肚相都系由佢操刀。影楼中有超过20个实景场景，除咗雨侨同罗力威影嘅森林及韩式大窗，仲有法式露台、长楼梯、甚至一比一大嘅梦幻蓝色马。开业短短一年多啲已经成为明星艺人御用影楼，好似胡说八道会、苏志威、吴业坤、鲍起静、罗敏庄陈国邦一家、邝文珣、吴若希等都先后喺度留影。