张继聪终于顺利过关返内地：抱住谦卑嘅心迎接下次关口
撰文： 冼燕珊
出版：更新：
张继聪早排喺Instagram上载短片，讲佢每次到内地工作过关时都被扣查，原因系佢张回乡证同身份证张相Match唔到佢个样，所以搞到次次都唔可以顺利过关，佢仲大赞执法人员做法正确，因为连佢自己都好难相信呢三个人系同一个人。
阿聪昨日要返内地工作，事先喺IG预告自己即将过关，好多粉丝留言集气，祝佢顺利过关。阿聪凌晨喺IG上载咗张举V手势嘅相，话畀大家知，佢今次终于都成功：“怀住感恩嘅心向大家宣布，2次！今日来回都顺利过关，我觉得好幸运，不过明白幸福唔系必然，我会抱住谦卑嘅心去迎接下次嘅关口。”阿聪今次虽然顺利过关，但显然对于下次过关仲系抱著忐忑嘅心情，佢自己都觉得好无奈，所以Hashtag写道：“明明张证系坚嘅，但过到果吓有侥幸嘅感觉，系咩人生？”