张继聪解释点解次次过关都被扣查：我只系证明唔到自己身份
撰文： 温菁莉
出版：更新：
相信每次大家拎起自己嘅身份证时，都会好感触，因为可以再次见到当年自己青涩嘅样子。估唔到身份证对于张继聪都有段故，话说佢昨晚在Instagram中上载短片，讲到自己几年前拍紧《老表，你好hea》，虽然当时未有留须，但每次到内地工作过关时都被扣查，“系，系真系被扣查，所以成日都听到后面有啲朋友讲话：‘喂！𠮶个张继聪被人拉咗㖞！’通常都系要出示埋身份证喇，仲大件事，因为我张身份证系十几年前影嘅。”究竟系咪真系咁夸张呢？
他直言负责政府边关的工作人员做得十分正确，“因为我嘅同事、工作伙伴、甚至我自己都唔系好相信呢三个人系同一个人。我喺到澄清一次，我冇走私，冇被人拉，我只系证明唔到我自己嘅身份啫。”
估唔到好多网友睇完条片，都即刻留言话好想睇究竟张相有咩唔同，系咪夸张到每次过关都被扣查，隔咗一阵冲完凉嘅阿聪就话估唔到网友的反应咁群情汹涌，所以决定公开照片！之后续道，“每一次过关，就算我拎住我自己张回乡卡，我都系心虚，我每次都好努力去尝试，但系结果只系得一个，例如我试过笑住啦，我觉得咁样自己好可疑，我试过认真啲啦，咁就直接入房喇。”最后阿聪就笑言多谢网友嘅关心，好快就变返认真样，“其实你无关心过我。”