张继聪谢安琪做新潮父母　同大囝睇YouTube学整“鬼口水”

张继聪与谢安琪10岁大仔张瞻近来就开户成为Instagram用家一份子，父母均是娱乐圈红人，果然有星级效应。短短1个月，就已经吸引1万3千多人追踪。不过，原来张继聪都系考虑咗一排先同意儿子开设IG户口。“我同太太当初都谂咗好耐。不过社交媒体，其实系佢哋呢一代好主要嘅文化。不过我同太太谂过，唔可以因为我哋嘅职业问题而扼杀咗佢嘅童年，更唔可能唔带佢出街。之后倾完偈之后就同意咗佢开IG。”

张继聪表示，当初未为儿子开设IG，其实是因为想保护他。“以前都试过帮佢开社交媒体，只不过冇咁高调。后来有人知道咗之后，就有一啲好攻击性留言，咁其实对佢好唔公平。”

讲到Instagram，张继聪更表示自己与大儿子的兴趣习惯有点脱节。“平时我个仔俾我睇嘅YouTube片，当然佢哋睇就会觉得好有趣，我哋睇就会觉得都系年青呃like嘅片。我哋都会同佢分析边啲好边啲唔好，过程入面我都发现自己老咗。（边个你认得？）Logan Paul啰，打机片又有。整slime又有少女，原来宜家最兴系自制‘鬼口水’。我老婆同个仔都有玩，咪自己去买材料返嚟研究点样整。”

听落张继聪同谢安琪两夫妇都好开明，关于张继聪教育儿子的方针，他说：“我尽量会当佢系好普通嘅小朋友。一个小朋友应该要有嘅成长环境同权利，我就尽量俾佢。冇理由个个同学都有IG就系得佢冇。当然有人是我𥄫到有啲资讯唔系咁好，我都会同佢讲。”