13万次收听得12蚊版税　C君：YouTube几百万点击都系得百几蚊

喺香港地做原创真系认真艰难，音乐都系其中之一！曾经同谭咏麟、何韵诗、许廷铿同C ALLStar等合作嘅填词人王仲杰，近日就po出一张由CASH（注：香港作曲家及作词家协会）派出嘅版税表，佢一首作品在JOOX、KKBOX、MOOV等网上音乐平台，共有13万人次点击或者下载收听，但系就得12.21HKD收入，喺麦记连个包都买唔到，真系惨惨猪呀！

其实王仲杰以前系银行高层，但佢坚持以填词人自居，为支持广东歌，跻身音乐行业，但系收入就大幅缩水。此相一po出之后，就有好多网民关注：“一千人听，所得税唔够一毫子”、“少得咁可怜”等 ，替作词人唔抵。

不过王仲杰其后都有喺面书度留言话：“除咗网上音乐平台点击率，其实一首歌仲有其他收入，例如卖碟、其他播放率，不过可以想像，一样系好少。”虽则现况好严峻，但系王仲杰都表示因为自己好钟意，想继续写广东歌，所以都会继续努力做落去！除咗收入问题，佢仲想反应一样嘢比香港作曲家作词家协会：“到咗2018年，仲印statement寄比会员而唔可以转e-statement，我觉得好唔环保。”

而农夫嘅C君亦深明做音乐的辛酸，他说：“我有首歌叫《伟大航道》，喺YouTube有过百万人点击，但系个版税都净系得百几蚊，CASH呢每年都会send网络版税，几蚊、十几蚊都有，但系我之前帮方大同写歌都好高，有几百蚊，所以都有唔同嘅，（但系点解会咁低？）因为网上始终系免费听呀嘛。（驶唔驶同陆永平分𠮶d版税呢？）陆永就填词填得多嘅，我呢就作曲比较多，所以会多小小。”即系作曲好揾啲㖞。