谢安琪囡囡Kakaball将满1岁　拒大搞派对：太细个啦未识享受

如果要数“你最期待的女歌手”复出，相信有很多人都会拣谢安琪，去年诞下囡囡后她就专注照顾家庭，但一向对慈善活动不遗余力的Kay今日下午于尖沙嘴出席“艺术自驾“油””活动，提到囡囡张靖（kakaball）后日就满1岁，问到Kay会否为家庭再增添多一个成员时，她就表示，“哗！应该就唔会啦，我觉得自己已经好满足对于而家嘅家庭生活，同埋工作嘅发展都好满意。”

记得Kakaball百日宴时在迪士尼举行，相信今次1岁生日party一定盛大举行，Kay就笑言，“囡囡太细个啦，未识享受大型party，都系约咗一两个ＢＢ仔朋友一齐食蛋糕，唱下生日歌等佢感受下咁。”

讲番今日活动是关于小朋友的艺术发展，Kay直言自己好钟意画画，而一对宝贝仔女都有遗传到，但自己就唔会强逼他们学。对于大仔张瞻开Instagram，唔够一个星期followers已经过5千，Kay亦有留言。她就表示作为家长有责任睇紧啲，“会留意下佢系网上同大家沟通紧啲乜嘢，暂时嚟讲佢啲分享都几好，几开心几单纯，一个好直接嘅小朋友，我觉得网友们对佢嘅feedback都几好，好多支持佢，咁样对一个小朋友已经系好好，对佢系一个好好经验。”