【Do姐有问题2】有趣味有资讯 加埋一班靓女做外景主持真系赢晒
撰文： 黄梓恒
出版：更新：
《Do姐有问题2》终于播放，郑裕玲和农夫这对笑死人组合又再次合作，连Do姐在节目中也忍不住问道：“点解又系你哋？公司系咪惩罚我呀？”无办法喇！鬼叫这对组合极受欢迎，观众每次看到他们的节目到笑到碌地，作为TVB的高层，当然想到要添食，唔系仲点会叫TVB？
今次节目主要环绕著一些旅游热点的偏门知识，睇落有点像之前森美大哥的《千奇百趣》，不过其实咩节目内容都不太重要，最紧要系有农夫同Do姐。在上一辑《Do姐有问题》的时候，每次Do姐出场，农夫便会以她的名字搞个食字gag，今辑一样有，不过就转了用在嘉宾身上。今集嘉宾有唐诗咏，C君就话:“好多人钟意玩渡海泳，但系嚟紧可能唔只搞渡海泳，搞唐诗咏。”哗！乜你咁讲嘢呀，唔只一个gag，仲有一个：“𠮶日我见到个𡃁仔喺维港两岸背唐诗，我问佢搞咩，佢话搞唐诗咏香江。”呢个就高质喇！
今集除了睇主持之外，仲有一个亮点，就是一班带大家去世界各地旅游景点的艺人，包括去美、加、法的梁芷佩Christy，有日本团的邝洁楹Judy和陈婉衡Alycia，韩国代表有叶韦彤K小姐、潘梓锋Brian和陈雅思Bonnie，泰国方面有泰国通胡慧冲Roger，而台湾则有梁凯晴Nina，真系要睇女有女，要睇旅游达人一样有。加埋配音员马家豪以星爷腔的抵死配音，成个节目有资讯性兼娱乐性，又真系抵佢有得添食！