《福禄寿十周年演唱会》开锣 　李司棋唱歌疯狂甩beat兼走音

“我系瘦咗25磅嘅阮兆祥”、“我系扮女人靓过自己老婆嘅王祖蓝”、“我系最受女人欢迎嘅李思捷”一连两晚嘅《福禄寿十周年演唱会》终于开锣。福禄寿三佬分别以蝙蝠侠、神奇女侠及IronMan造型现身并跳唱近10分钟。李思捷笑言很难界定福禄寿到底是什么组合，既不是达明一派又不是温拿，但却可以登陆红馆两次，如同奇迹一样。

一轮虚寒问暖之后，李思捷问两位拍档“到底呢十年你哋搞咩？”王祖蓝指住阮兆祥话自己以前都几喜欢电视。“但依家星期一到七都见到佢，唔睇电视听电台，结果又有佢，电视电台唔听，结果又喺新光戏院见到佢，呢啲咪就系‘祥在你左右’啰。”之后又指十年前在杂志常常见到李思捷“唔系同春卷就系同唔个边个女星一齐。”明笑李思捷风流，结果被对方以“我都成日喺江苏卫视、湖南卫视、央视见到你，系有一个台见你唔到，就系翡翠台。”回敬，明笑祖蓝近年只顾内地市场，甚少出现大台，祖蓝听罢只能笑笑表示“又唔系嘅”。

福禄寿互寸精彩内容，呢度有得睇：

【福禄寿】王祖蓝、阮兆祥、李思捷绝密片　即兴英文唱爆笑广东歌

【福禄寿】王祖蓝、阮兆祥、李思捷非一拍即合：当然有樽颈位

福禄寿之前讲明每晚至少有五位嘉宾，呢晚首位出场嘅就系李司棋，之不过司棋姐未知是否太紧张，且或耳机出问题，唱《啼笑恩缘》时频频甩beat兼走音，恐怖程度拍得住汪明荃。