【齐癫大圣福禄寿】阮兆祥恶搞《同盟》　成晚亮点一定系赵学而

踏入台庆11月，每晚10点半每个星期都有唔同嘅综艺节目，上个星期一连5晚就有现场直播的《我爱EYT》，而今个星期就有王祖蓝、李思捷、阮兆祥主持的《齐癫大圣福禄寿》。无错，见到他们3位，就一定离不开“扮嘢”，昨晚首播阮兆祥就扮剧集《同盟》中鲍起静饰演嘅令熊，除了身形之外骤眼睇无论语气，眼神都同令熊有几分相似，另外把剧中片段剪接成与陈展鹏一问一答咁，更趁机问佢有关同单文柔绯闻同拎视帝的问题。福禄寿扮嘢有几似都不用多说，而昨晚的亮点相信一定是最后一个环节的特别嘉宾—赵学而！

究竟点解亮点系赵学而呢？因为节目最后一个环节就有李思捷化身王杰，唱出K房必唱的经典合唱歌《谁明浪子心》，唱到一半突然赵学而登场，完全勾起不少歌迷嘅回忆！虽然学而唔系同真嘅王杰合唱，但都唱得十分投入，睇到呢幕都忍唔住一齐合唱。原来今次学而特别上节目系为了恭喜“福禄寿”成立10周年，仲话希望他们之后有更多嘅10年！讲返王杰的《谁明浪子心》，这首歌最初是1989年推出，有不少歌迷都话唱唔到，因为王杰唱嘅key太低。相隔11年，王杰2000年推出专辑《Giving》，再度录制《谁明浪子心》，并与赵学而一齐合唱，被不少歌迷大赞水准高，从此成为K房必唱合唱歌！