【齐癫大圣福禄寿】李思捷扮完丁蟹　恒指劲跌400点

王祖蓝、李思捷、阮兆祥主持的《齐癫大圣福禄寿》接力《我爱EYT》，成为11月台庆综艺节目，见到呢个组合，就知一定离不开“扮嘢”，首集先系有阮兆祥扮《同盟》中鲍起静饰演嘅令熊，第二集到王祖蓝扮陈自瑶，暗串老公王浩信喺《踩过界》中艳福无边，而昨晚播出的第三集到李思捷发功，向来扮蔡枫华同郑少秋十分神似嘅佢，今次就拣咗郑少秋喺《大时代》中嘅丁蟹嚟恶搞《胡说八道真情假期》，以花心丁蟹一角，周旋于“胡说八道会”6位姊妹当中，企图破坏她们的友谊。

丁蟹效应相信大家都听过架啦，多年来，只要郑少秋有作品推出，恒生指数都会有唔同程度嘅下跌，就连今年初他为庆祝入行50周年演唱会宣传，股市都急挫272点，真系好鬼“邪门”。不过，最邪嘅系，昨晚（22日）李思捷扮完丁蟹，今日（23日）恒指曾经一度跌409点，结果收市失守3万大关，以29707点收市，较昨天跌295点！呢个世界似乎已经无嘢可以阻到丁蟹效应，难怪唔少网民寻晚一睇到《齐癫大圣福禄寿》，都话要入番几手啦。