【情人节．有片】古巨基亲唱高登神曲《毒男》：今天无惧放闪

情人节街里爱人一对对，食饭睇戏想揾单丁位好似难过登天一样，唔通单身就唔过得2月14咩？其实一个人又有咩好怕㖞﹗“其实毒…一个更开心…”只要上网search这一句，出来的结果一定是古巨基和《毒男》。基仔虽然早就结咗婚，不过都深明单身人士喺情人节深受煎熬嘅痛苦，特别拍片祝福无拍拖嘅朋友，仲开金口唱网上Hit爆二创歌曲《毒男》﹗高呼：“今天无惧放闪﹗”

呢首《毒男》改编自古巨基嘅经典金曲《爱与诚》，喺2009年由讨论区巴打二次创作歌词并献唱，歌词中道尽了不少“毒男”的心声，受网友力推。多年来都有唔少人召唤原唱演绎，9年后嘅情人节基仔终于听到呼唤啦﹗

基仔匿喺被入面唱出：“若要做情人 未有屋未有钱点做情人……”成件事真系相当应景﹗佢留言话：“我知道依首歌喺高登 hit 左好耐，好多网民都有叫我唱，趁今日情人节，我就唱两咀啦～祝单身的朋友，今天无惧放闪，毒L也可以很快乐！”有网友好奇点解喺被入面唱，基仔就好搅笑回复：“怕被古太听到……”睇嚟呢个版本好快会超越原作啦﹗

《毒男》

原曲：《爱与诚》，古巨基
改词：一众高登会员
主唱：长阴无奈剪断

其实毒L一个更开心　洗L你讲
其实毒L早晚留在家　却扮忙
恨有港女可碰撞　然而无聊事干　不敢打搞对方
每日上住网　女优找几趟　ACG女却更加好干
不要哭　我也想不到这几年来要脱毒
没法真的脱毒了　听到呢只歌会好满足

若要做情人　未有屋未有钱　点做情人
遇见小月　至少可爱迷人
和女人想亲咀　最终只会沦为仆人
祈望女朋友　闹交亦有因
别拜金　不拜耶神
具爱心　迎合理想可配衬
我愿脱了毒才认真　可惜都口震

情愿扮gay不要爱港女　摧毁理想
情愿毒得若无其事般　更困难
做个专访反应慢　传媒无能乱喊　揾三鸡都要贪
再像个淑女　仍是港女眼　俾仔玩都怨妹死心眼

没有旧情人　没有屋没有钱　不做情人
做只宠物似狗可笑娱人
和你挽袋跟尾　最终只会沦为仆人
如若做情侣　是否就献心
就献金　好像全能
若要咁　其实似港女老衬
这预告　发自虔诚内心

对女生　逐渐死心　太毒的我两脚不稳
唯有北上　现在转一转台寻觅我新生

没有旧情人　没有屋没有钱　不做情人
做只宠物似狗可笑娱人
和你挽袋跟尾　无谓明日变做呀甘
如若做情侣　是否又献心
又献金　好像全能
若要咁　其实似港女老衬
我愿似个毒男避女生　见港女手震