【旅行青蛙】古巨基投入养蛙热潮做蛙奴　将青蛙改名做古太晒幸福

最近中港台三地都掀起了一股养蛙热潮，就连娱乐圈中人亦都纷纷投入呢只名为《旅行青蛙》手机game的怀抱。而古巨基（基仔）日前亦加入了蛙奴行列，日夜玩住呢只青蛙game，仲于facebook开心share他养蛙的点滴。基仔留言表示自己的青蛙原本叫Kubi，话如果个留言过100个like就会将Kubi改名做古太，结果粉丝同网民都一呼百应好快就畀了好多like基仔，100个like算甚么，毫无难度啦，结果基仔亦都好守信用咁将只青蛙改了名叫古太喇。

而基仔将Kubi改名做古太后又再出新post，留言问相中的古太：“古太，点解你要喺马路度影相？出去玩要万事小心啊。”而真古太，即基仔老婆Lorraine亦有留言回应表示：“你要好好照顾古太啊，知唔知？”基仔即话：“一路都照顾佢啦。”两个的对话好有爱呀！基仔仲好关心古太，成日睇古太做紧咩，一时话古太返了屋企写紧信，一时又话古太去了大阪城他都想去，好搞笑。