倪晨曦分享瘦身秘诀：同人share一个饭盒

倪晨曦(Elva)今日下午出席Fred珠宝店开幕礼，她透露曾经收过男朋友送的首饰但就不是太贵，觉得有时心意好重要而不是价钱。拥有fit爆身形嘅Elva一向都唔介意骚泳衣相到IG，当然被网友大赞啦！她表示自己的食量好正常，身形都是靠做运动得返黎，最钟意早餐同午餐都会食牛油果，“大家可能会惊牛油果脂肪好高，但其实佢系一个好脂肪，食完唔会储存系身体，反而带走唔好嘅嘢。”

只食牛油果又点得呢，倪晨曦就话食菜都好重要，话自己夜晚10点后尽量不进食，但如果要拍戏拍到通宵又点算呢？她笑言，“可能同人share一个饭盒，但我就唔会食全部饭，唔好完全饱肚。”Elva指keep fit唔系要唔食嘢，反而练好肌肉可以帮助新陈代谢。她其后透露近期除了做瑜伽，仲多了一个兴趣就是打拳，“其实两项运动量好高，因为瑜伽可以拉筋，令血液循环好一些。boxing就烧脂，但会令筋骨变紧，有好有唔好。”讲到突然之间玩boxing，是否有意日后做打女？她笑言自己比较锡身，“我做运动都会好小心，尽自己能力。”