【开心速递】网民热捧上最佳女主角　大小姐：唔系呀嘛？我唔得㗎

在《爱．回家之开心速递》，近期饰演大小姐龙力莲的林淑敏(Mandy)可谓人气急升，平时在剧中尖酸刻薄、野蛮泼辣和大骂别人的画面深得观众喜爱。最近Mandy凭此角色被提名上“最佳女配角”最后20强，是在2005年被提名“飞跃进步女艺员”后，第二次在颁奖礼名单中出现。不过有不少网民表示，她应该直接被提名上“最佳女主角”，因为成套《开心速递》中，她根本是重点。

其实Mandy一直都是一个谦虚的人，在接受《香港01》访问时，她说：“多谢大家钟意大小姐呢个角色，其实佢哋唔只like我㗎，每一位有份帮手造呢个角色嘅编剧都有份，呢套剧绝对系帮我升华咗。（有网民支持你选女主角㖞？）唔系呀嘛？我唔得㗎，我唔系呢个位，我守好自己本份就得㗎喇。至于女配角，其实我都无预到自己有提名，有提名其实已经好好㗎喇，我都唔敢谂之后，如果有额外嘅嘢，我就会当佢系年头花红。其实我一直都系低头做好自己，做好每一部戏，被受肯定真系好开心。我有一班朋友成日都会cap图俾我睇一啲留言，有一个留意系话我为香港带来欢笑声，要祝福我，𠮶阵其实我都病紧，我真系感动到喊咗出嚟。”当年Mandy被乳癌困扰，多得一班艺人朋友和粉丝支持，最终抗癌成功！

作为一个演员，可能大部份人的目标都是以做主角为主，不过Mandy曾经也说过无谂过做主角，她不怕一直做一些闲角，因为这是一个演员的责任，她充：“以前我系比较睇重行内人对我嘅评价，啲人成日都讲行家一出手，便知有没有。我成日都话，一个角色嘅功劳唔会剩系我一个人，背后有好多人去创造呢个角色，我甘于做一个演员，留喺呢个位于。而家嘅称赞只系一时，如果我咁快就自满，当无咗大小姐呢个角色我就会唔知点算。不过我当然好开心，有咁多人留意呢个角色，其实做演员都系想为大家带来欢乐，我已经当出咗粮㗎喇。”