【开心速递】风少陈浚霆离巢　直指人工超过八千：啲报道乱咁写

如果大家一直有追看《爱·回家之开心速递》，你会发现熊家入面只鬼风少消失了一段时间，原来饰演风少的陈浚霆（Andrew）已经刚刚完约，离开无线。他在2014从美国纽约大学以双荣誉学士毕业回港后，便参加TVB的《超级巨声4》，虽然最终落选，却加入了2015年的艺员训练班，自此便开始了其短暂的TVB生涯。

讲起他的演艺事业，除了风少之外，其余的剧集主要都是客串性质，所以基本上没有甚么代表作。最为人记得的是综艺节目《街市游乐团》，原因是当时江美仪在节目中经常闹Andrew，虽然两位当事人都声称是节目风格，不过依然惹起不少讨论，话抵Andrew唔抵。不过他在接受《香港01》访问时说这个绝对不是他离开的原因：“绝对唔会因为不和而想离开，但江美仪对我真系影响好大，就算我想走我都第一时间揾佢倾，佢都会帮我分析，有时仲会帮我揾埋job，都算系我半个师傅。其实拍《街市游乐团》一开头我未必见到佢，系佢话想揾个人帮手拎嘢，我先有机会同佢、麦长青同滕丽名合作，我真系好多谢佢哋三个。𠮶阵就算我出街都好多人叫我唔好俾美仪姐闹，佢哋唔明呢个系节目效果，我同佢close到一个点系一齐去旅行，我成日都会买嘢孝敬佢，所以我认咗佢做契女喇，因为年纪上又无理由叫做契妈，唔认做契姐因为唔想俾佢叫契deedee，所以咪认佢做契女。”

Andrew的父亲于2003年娶资深艺人顾纪筠为妻，虽然是后母，不过Andrew与顾纪筠的关系十分良好。好多人都说他是靠妈咪的关系才在TVB得到机会，不过Andrew就表示不认同：“其实佢对我唔算特别大帮助，佢自己都话想帮都帮唔到，因为佢以前同唔系拍开剧，对于剧组嘅监制或者珍姐啲高层佢都唔熟悉。我其实都成日做啲二打六角色，好似《老表，毕业喇！》咁，𠮶阵同阿蟹（吕慧仪）一齐睇套剧，我话我有份做，佢都好惊讶原来我有份，佢紧系唔知喇，佢系坐喺后面𠮶堆学生渣嘛，如果我妈咪有帮到我手就唔使用咁多呢啲角色喇。”其实Andrew入行三年除了《爱·回家之开心速递》的风少之外，其他都只是二打六角色，的确机会其实并不算太多。

那么究竟甚么原因令他离开呢？原来是想趁后生出外闯闯，证明自己的实力，他说：“其实系因为完咗约先离开TVB，监制同高层都揾我倾过，但我觉得自己唔趁而家走，到续多几年约人又大咗，就会无咗魄力出去闯。而家喺大陆都倾紧啲剧喺年尾或者下年开，喺TVB做嘢受到好多保护，我都想试多啲新嘢，始终喺度学咗咁多，都想证明吓自己。我都想继续唱歌，始终喺TVB无机会，当初《超级巨声4》入行后都有抗拒过拍剧，𠮶阵对拍剧完全无感觉，亦都唔熟呢样嘢，但上完训练班之后又觉得几好玩，尤其当你遇到一个好对手同你做戏，原来真系会上瘾。（有报导话系因为人工低？）出面话我得8千人工就假嘅，佢哋乱作架啫，人工系唔止呢个数，生活到，当然返大陆做嘢人工系吸引好多，但如果系一个好角色我又唔介意低人工。其实喺TVB都唔会好介意佢个人工，始终系大台，个平台同资源都够大，呢啲系其他台俾唔到嘅。今次离开同公司完全系和平手分，亦都无话𠮶啲咩高层内斗嘅牺牲品，佢哋都有祝福我。”话时话，咁只鬼风少点算呢？暂时都仲未有定案点令佢离开剧组，不过无论如何，希望Andrew之后会有更多的演出机会喇！