【开心速递】送水辉同大小姐终于开花结果？　许家杰：系有变化

最近《爱·回家之开心速递》又成为热话，事关收视率竟然超过台庆重头剧《溏心风暴3》，而且大小姐（林淑敏饰）和送水辉（许家杰饰）这条感情线被放大，大家都对大小姐十分有好感。其实除了这条线，其余的剧情虽然也分开几条线去，但大家不会觉得混乱，相反条条线都有追看性，不像《夸世代》太杂乱无章，难怪观众会愈来愈喜欢，而且长做长有。

不过大家其实主要都是对大小姐和送水辉这对鸳鸯最有兴趣，在大小姐不停发起猛攻追求送水辉的时候，他却没有甚么兴趣。送水辉，即许家杰在接受《香港01》访问时表示：“而家同大小姐嘅关系都算微妙，由一开始佢好疯狂咁迷恋我，到而家中段其实开始有少少转变。因为我知道佢钟意我，但我个囝又出现咗，通常有钱人都心理变态同钟意控制人嘛，咁我唔想个囝有咁嘅后母。点知我个囝好支持我同大小姐一齐，所以呢个关系会有变化，我之前喺剧都讲过绝对唔会同大小姐一齐，但因为个囝咁样谂，搞到送水辉对大小姐嘅感觉又唔同咗。”

在张景淳也加入剧组后，加上许家杰，会有很多跟吕慧仪的戏份，不过送水辉继续跟大小姐谈情，还会有新进展，许家杰继说：“暂时我就唔会同阿蟹，因为之前讲过我呃佢，但之后做咗同事就无咩事喇。而家暂时都系同大小姐有感情关系，之后开始大小姐会有啲事搞唔掂，咁就送水辉去帮手解决，中间又会有啲了解嘅过程，例如办公室入面要炒一个人，虽然系大小姐主动要炒，但其实都系迫得不已，而我就会去帮佢处理。慢慢其实送水辉开始理解佢多啲，变咗唔会剩系佢钟意我，我都慢慢对佢有啲好感咁发展。”