【壹号皇庭】黎耀祥四辑都有份做大茄　视帝：有工开有发挥仲想点

深宵重播《壹号皇庭》越来越多fans，除了剧情外，有不少细位都有人留意，其中一样就是有些艺员老是常出现，当中最抢镜的就是黎耀祥，25年前当时大约29岁的祥哥，仍然未上位挨紧做闲角，当然他有通告就接。眼利的观众应该发现，《壹号皇庭》系列暂时重播了的四辑，祥哥都出现了四次，第一辑殴打疑犯，第二辑撞车人不顾而去，第三辑演杀妻犯，第四辑律师楼职员但智商有问题，其实都几考演技。

虽然祥哥经常出现，但网友都大赞他表演出色，祥哥原来都好回味以前的日子，他说：“以前有通告就做架喇，我好多谢监制、导演俾机会，每个角色都有发挥，𠮶阵有工就开㗎啦，好多工作，系好开心㗎，尤其呢套剧集，当时唔难挨㗎，因为都冇成绩，冇地位、感觉都冇，有工就开㗎喇，边仲谂咁多？啲角色仲要有发挥，仲想点？我就冇睇重播，但以前我都会揾录影机录返。”视帝真系要用努力挨出嚟㗎！