【壹号皇庭】王菲演检控官原来做番自己　监制：佢想点做就点做

最近不少王菲fans，每晚都收看无线深宵重播剧集《壹号皇庭II》，因为可以重温24岁的她（那时她叫王靖雯），亦可以缅怀一番自己年青日子，剧集1993年播映，92年拍摄，那时的王菲虽未去到神级，但在后生仔心目中已是天后，亦有不少hit歌，除了《壹》剧片尾曲《执迷不悔》外，亦有《容易受伤的女人》《Miss You Night & Day》《静夜的单簧管》《多得他》等.....未必每首是冠军歌，但每一位都听过，当时流行的程度，比现在的《越难越爱》《矛盾一生》更加厉害，不相信可以问你家姐、妈咪，她们一定听过....除了好歌，王菲前卫造型，尤其那个“one length头”当时来说好“潮”。

王菲当时得令，所以吸引到《壹》剧监制邓特希，他接受《香港01》访问时，说：“做监制当然要计算，第一辑郑秀文、到第二辑就揾王靖雯，因为佢哋up and coming，我想吸纳一下年轻人嘅市场，阿菲即系当时叫王靖雯啦，做戏就....简单嚟讲就做返自己，有啲导演拍佢𠮶阵就会同我讲返，“咦！王菲咁样㖞...”，但当时我就觉得，如果呢个演员系咁演，但你夹硬迫佢去用另一个演法，咁出嚟嘅效果，大家都唔会好，而拍电视要快，亦冇时间俾佢慢慢消化，所以我就同啲导演讲，唔好搞王菲，佢想咁做就由佢做啦。”

王菲在剧中真我演出，虽然演技不及其他主角，但骨子里散发着独有气质，那种天后自信，大家feel得到，就连当时监制邓特希都feel到，他说：“去到拍摄尾段都几得意，因为我每日都要睇厂带，（监制每日工作之一，翻睇昨晚三机拍摄的厂景），王菲初初就唔系好有经验，仲有啲紧张，但去到后期法庭戏，我睇厂带发现佢自己做完之后，仲教人做戏呀，佢会提醒做证人𠮶啲特约演员，“你要咁呀，你要点点呀....”我睇到嘅时候就觉得好好笑，当其他人觉得佢啲戏做得好似同剧本有出入嘅时候，但王菲就已经好有信心，仲情不自禁去教下人。”