【最佳拍档】 周海媚自细有阴阳眼　爆电视城八厂女厕撞鬼好恐怖

TVB最近播出《降魔的》，相信大家话题可能会重提撞鬼经历、鬼故。昨晚播出的访谈节目《最佳拍档》，请来了林家栋与周海媚，讲到在TVB的闹鬼经历。周海媚讲起撞鬼，双眼瞪得好大，讲得好真实，看著电视都觉得有寒意。

周海媚讲到见鬼经历，她就自爆从小都可以见到灵界生物，小时未懂事直接跟母亲讲，都会被骂乱说话，长大后才惊觉自己有阴阳眼。后来，她在TVB工作，当时电视城还未搬到将军澳时，经常传出八厂好猛鬼，周海媚就讲起在女厕的恐怖经历：“当时入去，度度门都锁咗，推唔开，因为系夜晚。终于有度门系开到，然后我用力一推之后，我见到个好肥嘅女人，抱住个BB喂奶，望住我…我就呆咗。之后冇讲过任何嘢，就拔足狂奔跑到去服装间，(谂起刚才)见到佢好嬲咁望住我，我就好惊。”

除了旧电视城的八厂，周海媚拍外景时都有见鬼经历：“我记得有次喺龙虾湾，当时拍紧《回到未嫁时》，定唔知系《今生无悔》，我唔记得咗。当时我就要走，有个梳头姐姐就问导演可唔可以走先。我就有揸车，咁我就话好呀车埋佢。”当时大约凌晨四点，周围都很静，路上几乎无人，可是周海媚开车到一段路时，有奇怪事情发生：“中间有一段路勉强可以两架车擦身而过，我哋离远就见到有人揸车入嚟，心谂咁夜都有人入嚟？可能返屋企。我就好细心咁睇架车系坐满晒人，架车驶过去一刻，见到有个女仔伸个头出嚟，对住我笑。”听到都觉得不寒而栗，周海媚再仔细形容女子样貌：“佢个咀好大，鲜红色嘅。只眼好似啲日本公仔，一条线咁，头发就系清汤挂面咁，对住我笑，我记得好清楚。”三更半夜见到鬼，个心一定吓到离一离，周海媚随后火速飞返屋企，至今难忘。

其后林家栋就解释艺人半夜外景戏有休息时间，宁愿闲聊都不愿睡觉：“几攰都好，都要系咁吹水唔瞓觉。因为惊瞓著咗，会有啲咩事发生，都咪话唔惊啊。”不过半夜不睡觉，遇到“奇怪物件”不是更恐怖吗？那就不得而知了。