【最佳拍档】夏雨为当演员偷渡来香港：差人帮我哋抵垒

老戏骨话多年一定精彩，昨晚《最佳拍档》就请到夏雨和李司棋一齐上节目，夏雨哥故事相当传奇，尤其出身，仲戏剧过《溏心风暴》，当年是行山偷渡香港，他说:“我16岁左右嚟香港，陆路偷渡嚟香港，爬大梧桐山过嚟，过程一啲都唔辛苦，带住个背包，入面有几块饼，三个后生仔就过咗嚟香港。”而原本在广州的他，因为看到张瑛、吴楚帆演出，而立志要到香港当演员，夏雨哥更爆当年偷渡有警察协助，认真意想不到，他说：“由新界过咗沙田叫做抵叠，佢哋就唔拉你，但之前大埔、粉岭、上水一个个关口，警察保我哋出去，第二日喺人民入境事务处等攞身份证又见到面。”哗！原来𠮶阵警民关系咁好㖞。
 

夏雨哥除了讲自己偷渡外，更爆当年当小生的辛酸，原来每集只得80蚊酬劳，还要唔准时出粮，他说：“𠮶阵边有人想做电视？男主角连唱歌都系得80蚊一集，养自己都唔得啦，冇人肯做，我咪好多机会啰.....𠮶阵系你拍完，助导入单，如果佢哋迟入咗单，𠮶个星期就冇粮出㗎，试过经过电视机面前，见到自己潇洒风流，但其实我未食饭，𠮶个星期冇出粮，我仲谂会唔会有日新闻，写住一个男子饿死喺电视机旁，𠮶个就系电视剧嘅男主角。”....当电视台小生，可能要饿死，真系想像不到；而司棋姐就在节目中，爆自己后生时，瞒著家人用假名高京慧参加选美，到复赛才用回真名。