【使徒行者2】第三辑变古装版? 马国明so sad:要重新选过演员

撰文: 温菁莉
出版:更新:

上星期五播完的TVB剧集《使徒行者2》,最后一幕马国明突然以魏德信的细佬身份出现,咁样留伏笔完全是为第三辑铺路,好多观众都好期待,正当大家FF马明会点样出现𠮶阵?奇怪的事情发生了,就系马明随时食炸糊被飞,事缘“黑警Madam Cheung”蒋祖曼日前出席活动表示,《使徒行者》第三辑将会拍古装版,网民听到都打个突,更担心型爆登场的马明下落,《香港01》即刻打俾正在上海工作的马国明问个究竟,佢都好大反应咁话,“我又无听过,但如果真系拍古装版都系一个突破!”

马明现身《使徒行者2》大结局真系好惊喜!
+6
如果卓Sir用返黄药师嘅造型现身《使徒行者》第三辑,其实也不错!
如果乐少拍古装,究竟个发型要点整好呢?

不少网友听到话《使徒行者》会拍古装版都觉得好搞笑,仲话饰演卓Sir的三哥可以完美复制用返黄药师个造型,但马明听到消息就真系灰哂,他说:“其实都唔知古装版有无我,因为古装版应该系成个故事都改晒,可能要重新选过所有演员都得喇!”但他亦为古装《使徒》祝福,他说:“如果拍古装都唔一定系搞笑嘅,我谂都几得意, 古代宫廷嘅斗争其实某程度上都可以将《使徒行者》,反卧底、卧底呢条桥放入去,最重要系剧本点写。”

蒋祖曼做古装都好靓女!

到底第3辑系咪用古装版去呈现呢?虽然仲未知,但一班网友都几大反应,仲讲笑话,“《使徒》系咪想变《皆大欢喜》?”“三哥会唔会真系用黄药师现身呢?”真系未开播先爆笑,我认为第3辑就一定开得成,当中最期待嘅就一定系有百变发型王之称嘅周柏豪,古装look会系点呢?不过就算《使徒》变咩版都好,都一定要俾返个重戏男主角马国明啰,人哋特登闪现登场,唔系过桥抽板呀?至于剧中佢揸住支来福枪点交代,加少少穿越情节咪得啰,反正变古装版都变《皆大观喜》,不如玩尽啲变《使徒行者3之超时空皆大欢喜》,到时一定爆。