【使徒行者2】乐少天堂哥都是骗人的　前警司爆：边有卧底咁搏命

《使徒行者2》今晚大结局，收视平均23点，国内点击19亿，加上网民反应（不论赞或弹），其实是成功的，虽然戏剧世界，创意无限，但据知有不少警队中人就觉得剧情“得啖笑”，《香港01》访问了前警司陈sir（不愿透露真实身份），他表示剧情同现实有好大出入，尤其是卧底档案为何这么容易删除，他说：“我哋睇真系笑到碌地，揿个掣就delete？你去人事部delete自己个file都未必得啦，吓话？仲要喺卧底咁重要㖞，点会就咁揿几个掣就得呢？其实卧底档案系好机密，亦有多重保护，唔止一个，真系俾你咁叻仔去delete到一个又点？因为仲有一份喺律政司夹万，即系袁国强度，你去delete俾我睇下？咁当然知系睇戏啦，但其实由《无间道》开始，都系揿个掣就得，编剧太求其喇。”所以现实中，不会因为有人delete咗一个卧底档案就令人复不到职，亦不怕“卓sir”死了，就没有人证明，因为档案不止一个。

至于有几多重档案保护，陈sir虽然离职，但亦不愿太详细透露，但他表示卧底对警方破案是有非常重要作用，但现实中就没有乐少、天堂哥这些卖命卧底，又杀坏人、又杀黑警，他说：“边有卧底咁搏命呀？你做阿头都以下属安全优先啦，咁危险点叫人做？你俾几钱人工呀？剧入面啲卧底做咁耐？真系冇人咁耐㖞，冇人肯同你3年又3年啦，人哋打工咋，啲粮、假期点计呀？话俾你听冇命你做唔做？梗系唔做啦，所以大部份卧底行动，都唔系咁戏剧化....危险性低行先，当然有危险嘅都有人做，但真系极少数。”

陈sir还表示警方卧底行动，有分大及小，小型那些根本很低风险，他说：“好似一啲放数集团，咪向房屋署攞两个单位，跟住揾一男一女扮夫妇向呢啲财仔借钱，门口set晒cam，电话录晒音，咁呢啲都系卧底行动嚟㗎，但风险好低，参与警员嘅安全你系控制到，至于handler系咪一定要去天台倾偈呢？咁梗系唔系啦，你成日去死个天台或者空地，你大佬都check你啦，而家又fb又ig，你又有家人、朋友、女朋友，好难全部清晒，人哋都唔系蠢㗎，同埋集团头子，都做晒正行，你估仲好似陈豪咁，揸晒枪自己出面杀人贩毒咩？愈有钱条命愈矜贵，你埋佢身都未必有料返，你都系埋啲中下层、或者小头目先揾到食。”所以睇电视就唔使太认真，开心消磨了一个钟就算。