【使徒行者2】大结局后各人咩结局？　编审同你讲第三辑进展

《使徒行者2》终于大结局，所有恩怨情仇、勾心斗角都将会在今晚划上一个句号。黑警方面，最后的大黑警许Sir（邓梓峰）已经被乐少（周柏豪）杀死，所以呢条线已经完结，CIB亦重新由卓Sir（苗侨伟）和康Sir（欧瑞伟）掌管。两大社团长兴、福和仍然各施各法，以跨国洗黑钱集团作为战场，暂要将对方置诸死地。而乐少死后，梅姐伤心欲绝，徐天堂（袁伟豪）能否乘虚而入？一向比较冷酷的Scarlett（宣萱），在魏德信（陈豪）和卓Sir之间又如何选择？

下文有大结局剧透，逃生门在此。

先讲两大社团的争斗，欢喜哥虽然被（许绍雄）魏德信阴了一局，令其身陷险境，不过在梅姐和天堂的无心插柳下，终于可以一报杀妻之仇，亲手连开数枪射杀魏德信。不过奇就奇在，卓Sir明明当时就企喺佢隔篱，竟然唔系拉佢返警局，所以欢喜哥好安全咁同猜fing（林伟）走佬去泰国，东山再起。

咁两大女主角Scarlett同梅姐究竟情归何处呢？其实在魏德信死之前，Scarlett已经表明愿意同佢远走高飞，只不过魏德信认为要搞掂返黑钱呢单事先肯走，最终遗憾一生，而Scarlett亦自愿俾卓Sir逮捕。至于梅姐，虽然有天堂大献殷勤，不过佢始终情系乐少，仲学埋电单车，戴住乐少条颈链，所以天堂都系无望架喇。

不过有一个消息可以令梅姐开心吓，因为原来乐少系无死到！在大结局的尾段，乐少同欢喜哥一齐出现返喺泰国，就话将条命交俾欢乐哥，因为系佢救返自己一命，情况就好似一开头佢同Pak-key（黄德斌）嘅关系咁。咁样铺晒线仲唔系想拍续集？不如一齐数一数续集会有咩人出现，首先，又系大结局片尾嘅伏笔，马国明以魏德信的细佬身份出现，宣言要帮大佬同家族报仇，讲咗卓Sir、欢喜哥、梅姐和天堂4个名出嚟，所以第三辑相信会有呢5个人。跟住乐少讲佢无死，可以预埋佢，猜fing作为欢喜哥头马，而第一辑（但时间线是比较后）亦有份，相信第三辑都会有佢。仲有康Sir，又系第一辑已经有，至于另外3位民间刑事情报科成员罗小丝（黄山怡）、李文雄（陈国峰）和佘乐成（乔宝宝）又话会考返入警队，再见到佢哋都唔出奇，呢度加埋都有11个。

不过，根据两辑都有份编审嘅人士透露，其实《使徒行者3》连剧本都未有，佢话呢一种留伏笔嘅玩法其实第一辑已经有。原来系咁，相信都只系唔想太过封死条后路，迟啲有机会就拍咁解，咁马明BB就惨喇，专登去客串一场，但佢真系好想再开拍第三辑，而家随时一场欢喜一场空！