【使徒行者2】周柏豪不停杀人？ 黄翠如怀疑乐少真正身份
撰文： 黄梓恒
出版：更新：
《使徒行者2》话咁快今日就已经系最后七集，下星期已经系结局篇，所以剧情都已经进入到大直路。黑警Ben Sir被枪杀，速黑浴火重生加入民间刑事情报科，欢喜哥开始设局同魏德信抗衡，卓sir亦开始带领乐少、梅姐和徐天堂加埋一班新加入的成员暗中调查黑警。谁不知呢一堆黑警竟然慢慢被神秘人杀害，搞到黑警大家姐Madam Cheung都十分担心，亦因为咁先同Ben Sir决裂，仲试过想假借神秘人之手除去Ben Sir。
以下内容有少量剧透，逃生门在此。
咁究竟呢位神秘人系边个？如果眼利的观众有留意此人的身形，应该会觉得佢有啲面善。今集就讲到梅姐故意设局引乐少去杀黑警，点知乐少真系好天真咁相信咗佢，继而被发现原来佢就系连环杀黑警的凶手。要知道作为一个卧底，本身有条界线系唔可以超越，就系杀人，而乐少一系唔杀，一杀就已经杀咗三个，已经完全超过晒做卧底嘅界线，唔通佢已经放弃咗做警察？
+6
其实早前已经讲过，有一集因为乐少只手受伤，所以梅姐便好心地帮他包扎伤口，当梅姐问他喺学堂𠮶阵唔系学过急救咩？乐少当堂唔识点答，然后就话做古惑仔咁耐，唔记得晒喇，其实佢可能根本就真系唔入过学堂，卧底都只系佢扮出嚟。今日呢集讲度佢系要为一个人报仇，除了Pak-key之外，原来佢仲有一个原因要接近黑警，就系呢个被佢埋葬嘅人，咁究竟呢个系边个？剧情好快就会揭晓了。