【使徒行者2】“御用人质”宣萱爆监制临时加胁持戏：我听完都笑

见到宣萱你可能会谂起最近她在剧集《使徒行者2》饰演的Scarlett再度做人质，今午Jessica抱病出席“惜食堂”活动时透露都enjoy饰演人质，“我已经好接受，系呢方面都算系一个纪录保持者。”

非正式统计显示，宣萱今次又做人质，已经系第26次，究竟边个咁大整蛊呢？宣萱透露当初《使徒行者2》是边拍边写，“拍𠮶阵咁啱有报道话我系‘御用人质’，监制见到就话几好笑，不如系剧入面加一段你又做人质喇，我听完都笑就话：‘你钟意喇！’”提到今年有两剧包括《不懂撒娇的女人》及《使徒行者2》在身的她，饰演的“Mall姐”同“Scarlett”都深得观众欢心，更有网友指她是大热视后，宣萱都话机会唔系无，“颁奖嘅嘢好难讲，好多时都未必系大热门攞，同埋我返嚟TVB拍剧都唔系为攞奖而拍，真系剧本吸引到我，从来收视同奖项都唔系我控制范围之内。”

讲到三哥苗侨伟日前就公开大赞黄翠如演技好，仲可以问鼎今届视后，宣萱都有听闻过，“我都觉得佢做得好好，都有赞佢。其实好多人都有机会，又有定欣同鲍姐，当然包括我自己喇。就睇下你好唔好彩。无听过翠如因为咁样而有压力。”至于今年的计划，她透露会先到内地工作，看来粉丝要等多一段时间先再系电视见到宣萱了。