【使徒行者2】许家杰变一代御用奸人　炮仗哥：每个角色都会唔同

《使徒行者2》已经开始由警察、卧底和黑社会这个铁三角组合，再加上黑警变成为四角组合，卓Sir他们除了要揾卧底，还要揪出到底警察内部哪一个是黑警。今日这集就讲原来毒品调查科行动组高级警司黄Sir就系同欢喜哥有交易的黑警，最后还因为欢喜哥的威迫而自杀身亡，令到欢喜哥头马炮仗十分不满，事关炮仗当差的时候，上司正正就是黄Sir，交情相当之好。就因此事，炮仗还对欢喜哥冷嘲热讽，当面顶撞自己大佬，埋下之后的伏线。

讲开炮仗，今次由许家杰(Jack)饰演可谓入型入格，事关他一直以来都给人一种坏孩子的形象，因为大部分剧都在饰演坏人，难得近期在《爱·回家之开心速递》有送水辉一角帮他洗一洗白，现在过两个钟又要在《使徒行者2》又要做坏人，形象是否真的无法转变？在接受《香港01》访问时，Jack表示：“我又无咁谂㖞，每个角色嚟到都要尽力做，唔会分好同坏嘅角色，只会睇有得发挥定无得定挥。当然喺观众角度，（坏角色）呢个系我老本行，但其实如果大家有留意，我都有少少修饰咗个角色，令佢有啲唔同。例如之前《以和为贵》入面嘅鬼头鹰系霸气外露，今次我有收返少少，阴湿少少，有啲似《踩过界》，不过又无咁阴沉。每一个角色我都会想唔同啲，将呢个角色同以前嘅分开。”做奸角其实都有好多种层次，可能TVB下一代御用奸人就是许家杰都不出奇。

其实近年在电视上经常都会见到Jack的身影，不过始终闲角居多，可能一套剧出现两三集，所以今年他已经有八套剧有份出街。今次有得向欢喜哥宣泄心中的怒火，给他演技来一个小爆发，算是近年比较多发挥的角色吧？他说：“都算系㗎，喺创作同制作方面，今次剧组都俾咗好大自由度我，真系任我做。发挥得好多架，又可以同欢喜哥做对手戏，好开心。”希望Jack将来会有多点发挥的机会，始终TVB新一代愈来愈称职的奸人了。