【使徒行者2】袁伟豪骚肌系咪收视保证?　答案又有啲意外㖞！

相信今个星期最多人讨论剧集，一定包括有TVB嘅《使徒行者2》份喇。今晚一开头就讲饰演淑梅嘅黄翠如不幸被人落毒，幸好袁伟豪饰演嘅徐天堂及时现身，徐天堂之后就带淑梅到酒店休息。期间淑梅意识模糊期间就除晒徐天堂嘅衫，都系𠮶句袁伟豪今集又露肉了。但网友就似乎唔多buy喇，佢地纷纷话完全唔想睇：“今晚可以skip！”

不过网友一向讲就无敌，其实近年韩剧都流行男主角不时晒肌,为女观众带来视觉冲撃之外，都系刺激收视方法之一。BTW“物以罕为贵”，露得多只会被观众嫌弃，第一次睇感觉会好新鲜，但袁伟豪今次系《使徒行者2》就每隔两集就露一次，真系稍嫌有点多。但现实是残酷的, 收视一讲出来就知究竟“骚肌”系咪work呢？今日（26日）傍晚时分TVB就出了收视表，《使徒行者2》系有24.8点，相比起《同盟》仲低两点！相信当中大部分嘅原因可能系内地网站播放头10集，所以有好多观众都唔洗几日已经煲，或多或少都会影响嘅。

其实TVB剧集男主角晒肌已唔系咩新鲜事，早前就有网友讲过“人类无法阻止王浩信骚肌”，因为王浩信系《不懂撒娇的女人》同《踩过界》中都有露下肌肉咁，仲有“Show肌王”称号，但人地最多都系间唔中露下，而唔系每次都露。虽然袁伟豪拥有一副好body，唔骚下又真系浪费d嘅，但今次骚得有点过分喇真系！