【使徒行者2】翡翠台播片尾惊现简体字幕　有无犯广播条例？

点解嘅？点解嘅？点解嘅？寻晚有喺翡翠台收睇《使徒行者2》第七集播出嘅朋友，去到最尾谂住听埋插曲《忘记我自己》时，发现歌词字幕以及台前幕后roller名单全部变晒简体字！？一个人睇到可能系电视机Setting出错，但睇网上群情汹涌就知道真系TVB播咗简体字版roller，唔通TVB谂住将J5普通话新闻时段用简体字幕做法放埋入翡翠台？

有网友表示要集体向通讯事务管理局投诉，但究竟播出简体字幕有无犯法呢？根据由通讯局颁布的《电视通用业务守则－－节目标准》（《电视节目守则》）规定：“由2010年12月31日起，持牌机构须为所有在中文台播放的剧集提供中文字幕。”但当中“中文字幕”并无写明必定系繁体字，有关免费电视牌照并无规管字幕的表达形式，可由电视台自行决定。即系话，大家最多可以闹TVB唔小心，但呢次佢地的确无干犯广播条例㖞。