【使徒行者2】泰国小姐Maythavee色诱白裤袁伟豪：我觉得佢好靓仔

TVB剧集《使徒行者2》唔知系咪有内地片商投资，终于唔再系成日见惯见熟嘅厂景。特别飞到泰国实地取景，又见到唐人街，同tuk tuk车，唔讲以为睇紧泰国戏！而今晚𠮶集袁伟豪仲著住条白色泳裤被泰国女演员Maythavee Weiss色诱，我们就透过Facebook揾到Maythavee讲下今次拍摄《使徒行者2》的经过，至于讲到今次嘅对手袁伟豪，Maythavee就直言不知道对方是谁，“我净系同佢合作了一日，但我觉得佢系一位好nice 嘅人，同埋好有礼貌，当然我都觉得佢好靓仔！”

原来Maythavee Weiss都大有来头，佢曾于2010年夺的选美比赛“Miss Supranational Thailand 2010 (泰国跨国小姐)”第4名,比赛中一共有来自全球95个国家佳丽，所以Maythavee 夺第4名都算系为泰国争光！而今次亦是Maythavee首次拍摄香港剧集，“感觉都好有趣，我去年曾同曾志伟合作过拍电影，但电影应该未上映！”Maythavee指今次拍摄《使徒行者2》只拍了几个场口，并表示自己好少认识香港嘅艺人，除了成龙之外，“我知道有位model 叫Ase wang，佢而家都系曼谷定居。”睇返资料，中瑞混血儿嘅 Ase wang叫王惠敏2014年出道，仲同过余文乐传绯闻。讲返Maythavee，现职模特儿同演员嘅佢，不时在Instagram上载自己日常工作嘅靓相，性感相更加唔少得！