【TVB Secrets】临时演员戏服劲臭 判头爆离谱：一闻就想呕
撰文： 林通贤
出版：更新：
《喜剧之王》入面，尹天仇饰演的临时演员，几经辛苦先得到剧组一个饭盒，现实中在TVB当临时演员，其实更辛酸，要赚到一个饭盒都不容易，首先你要有惊人耐力，特别是嗅觉，因为那些给临时演员穿著的戏服，长年不洗，尤其古装，特别是清兵服，一位前资深临时演员判头（化名：阿强）：“件衫臭过你疴𠮶笃屎！我绝对冇夸张！”
阿强是资深临时判头，深知做临时演员辛酸，不要以为当判头是“指挥官”不用做，大部份判头都要和其他临时演员一同落场，一齐著臭衫，他说：“佢哋几时洗？咪当有几个判头一齐投诉，佢哋咪会洗啰，你真系要闭气先可以打开𠮶袋衫，时装好好多，因为我哋会叫佢哋自备，但古装我哋边会有呀？焗著佢哋啲衫。”阿强表示明白剧组冇可能日日洗衫，但有些戏服十年不洗，不要说臭，卫生已是问题。他说：“除非你好污漕，否则你落雨湿晒都唔洗㗎，你跳咗落海，成身泥，变咗泥鸭，佢哋就洗啰。（件衫臭唔臭？）冇一件唔臭！只系分好臭同非常臭，有啲一闻就想呕！”
阿强更爆服装部有“独门”洗衫方式，他说：“佢哋好心嘅，咪会用冷气吹干佢啰，因为件衫干咗，服装阿姐好拎啲，冇咁重，第日咪俾返我哋著啰。”不过阿强表示服装部近年年轻化，对临时演员服装的处理，人性了许多，他说：“佢哋都会问吓啲助导，几时会再拍大场面，如果有四日至一星期空档，佢哋都会攞去洗嘅，不过千年污渍洗得几多呀？但都明白嘅，因为拍剧日日厂接外景，唔好讲话临时演员，就算一线小生啲古装衫，其实都好鬼污糟㗎，所以班主角都惨，除咗自己件衫外，俾成班临时演员围住都好辛苦，因为真系好臭。”下次重温《寻秦记》时，大家可能隔住个芒都闻到阵臭味呀！
做临时演员又岂止著臭衫呢？原来人工依然是十分低廉，以前日薪180蚊，现在实行最低工资，临时演员待遇有否提升？请留意下一篇TVB Secrets
+1