【踩过界】呜呀！女神疑似封盘　朱千雪钟意居家男：最紧要有交带

《踩过界》第二季昨晚已经出街，大家引颈以待的千雪BB（朱千雪）终于千呼万唤始出来。有心急的观众可能晨早上了爱奇艺，为见BB一面无视国语配音，但女神总是百看不厌，未来个多月的周末都有理由留在家中睇电视了。不过，近来多次传让一众男Fans心碎的消息，就是千雪BB疑似封盘，与澳州读医男Justin Ng过往甚密，虽然千雪的回应都是“了解中”，但眼见朝思暮想的女神快被占据，自然想知Justin Ng何以有如此大魔力让女神都要亲自“了解”呢？

早前我们就与千雪BB做过访问，跟她玩数条爱情心理测验，揭晓答案时，千雪BB不禁点头说准。或者在“神准的心理测验”中能看出一点端倪，知道千雪BB容易受什么类型的男士吸引，各位男Fans稍微改变自己一下，尝试追求千雪，说不定能够“逆转胜”。不过，无限FF都冇问题，任君选择。

（红字为千雪BB所选答案）

1）最钟意咩天气？

A）晴天B）阴天C）雨天D）台风

结果：朱千雪难唔难追？易追指数有40％，你的为人随性，喜欢自由生活，最好一切顺其自然。在恋爱方面，不会太强求爱情的来临，要发生自然会发生。所以随和的性格导致导致你较容易追到手，追求者只要投其所好，多数由朋友开始发展，持续地、不断地关心你，相信好快就会追到你。

千雪BB话：

由朋友开始，都好中㖞…顺其自然吖嘛可以！仲有句都好啱，就系长期关心我，因为拍拖最想都系有人锡我，其他嘅嘢我自己会handle到嘅，有冇人锡、关心你，就真系要靠另外一半。同埋由朋友开始发展系最好，起码系熟悉𠮶个人，同埋我好怕尴尬，如果一嚟就讲啲咁认真嘅话题，咁我就系觉得你系钟意我个人，定系你纯粹想揾个女朋友。同埋可以理解我嘅工作，其实佢唔需要真系知道，但佢要明白我嘅感受，未必要知道我做访问系乜，又唔洗明我拍剧畀人闹，但至少明白我嘅唔开心，去做返一啲事氹返我。

2）如果要做配音员，你会拣配…

A）生病的公公婆婆B）爆粗古惑仔C）笑喊BBD）天真少女E）火车电单车声

结果：朱千雪最顶唔顺男朋友…最接受唔到另一半讲大话，本身都冇咩安全感，所以内心都好想揾一个好似家人咁嘅伴侣。所以如果有讲大话嘅行为，对佢嘅信任都会玩完，就会同佢讲分手。

千雪BB话：

其实每一个女仔都会嘅，就算系其他答案都系喇，有边个会钟意对方会出轨先？不过要成功讲到一个大话系好难，除非你叻到可以讲到一个大话系呃到我一世。其实好易呃到我，因为我对人都好信任，但如果讲大话讲得好差，系人都知你系讲大话，咁就麻烦啲，我都好难去信你。不过到而家都未遇过，或者佢哋好叻喇！

3）如果抽奖中咗架车，你会拣…

A）黄色的旅行车B）白色的箱型车C）红色跑车D）蓝色轿车

结果：朱千雪钟意居家型！能够给你安全感，是最需要，而且最好不过的！不过要小心呀！这种过于安稳的相处模式，都会好似空气一样，慢慢就会感受不到他的存在，却又少不了他。

千雪BB话：

其实都几中，我都几需要安全感嘅人嚟，因为我有时比较容易谂得多咗，会谂：“咦？点解揾唔到你嘅？”、“点解一定要同佢食饭嘅？”唔系麻烦嘅，我都尊重对方系有大家嘅生活嘅，但觉得我都有责任话畀对方知，呢一刻做紧咩，因为我冇嘢要去收埋，所以我都希望对方唔好令到我去担心。你有嘢做系OK嘅，但就唔好半夜三更揾唔到你，我就会惊会唔会出咗啲咩事呀。（对方需唔需要秒回你？）咁又唔需要，但我最怕就系睇咗唔覆，呢一样真系会令人好嬲，不论朋友定咩都好，如果系咁我都会谂点解唔覆呢？有交带，我唔系要Check住你，只系觉得唔好令到我担心喇。同埋我唔介意闷，我钟意稳阵嘅感觉，老夫老妻？冇所谓喇，如果你系同得呢个人一世，都会有呢一日喇，同埋拍过剧，几轰烈都试过晒，现实唔驶咁戏剧化。

总结：“都几准！”

朱千雪做心理测验时，有好几次都话准。刚巧当时她有位对象，表示了解中。不过玩埋心理测验得到答案后，她笑言对方都符合答案或心中所想的条件，似乎呢位男士属于暖男系，成熟稳重、理解千雪BB的感受，莫讲话女神，一般女士都好Buy这类型的男生，所以女神假如有日真系封盘，其实都不足为奇。