【娱乐回归20周年】选97年卡通 朱千雪欧铠淳最爱《美少女战士》
撰文： 温菁莉
出版：更新：
1997年你几多岁？实不相瞒小记当年才6岁，除了具有历史性回归一刻，我只系记得我升小学一年级咋！查实当年仲有好多卡通片陪着大家成长，你又记得几多套呢？ 97年曾播过《四驱兄弟》、《樱桃小丸子》、《外星毛查查》、《美少女战士》同《咕噜咕噜魔法阵》。小朋友一放学真系冲返屋企开电视睇《樱桃小丸子》，睇完先至肯做功课！原来一班艺人都系佢哋嘅die hard fans，仲识讲佢哋嘅口头禅添！
朱千雪
《美少女战士》
千雪BB透露自己当年经常会租录影带回家看，“我最喜欢Sailor Jupiter，因为Sailor Moon是金发，而我是中国人不太似。Sailor Mercury是短头发形象好似太过男仔，所以我最爱的角色是Sailor Jupiter。 ”
简淑儿
《美少女战士》
家中排第4嘅简淑儿(Jessica）透露自己最喜欢水野亚美，“因为我小时候系短头发，而我又好钟意蓝色，所以就好钟意佢。“Jessica话最搞笑系家中3位姐姐一人钟意一个美少女战士，而姐姐们早前更有意买全辑DVD怀念下，“之后发觉有太多唔同版本，价钱好贵，唯有靠重播睇返。”
欧铠淳
《美少女战士》
欧铠淳(Stephanie)就话受表姐影响所以就爱上咗《美少女战士》，疯狂程度要买碟返屋企睇，“因为我放学𠮶阵已经做完，所以表姐就上网买碟返黎继续煲。”
乐瞳
《咕噜咕噜魔法阵》
但每个女仔都钟意《美少女战士》的时候佢话最钟意《咕噜咕噜魔法阵》，但只记得入面唯一个角色就是吉他他老伯，“其实我只系记得结他他老伯出黎跳舞同埋嘅两位主角要搞魔法阵，但完全唔记得𠮶两位主角嘅名，相信大家都系咁。” 吉他他老伯虽然是配角，乐瞳大赞呢位配角好突出！