【踩过界．剧透】结局好多主角惨死　朱千雪话好伤心：结局不完美

于周末播出的TVB剧集《踩过界》今个星期先会播出第一季嘅第13及14集随即就会进入第二季，由于今次TVB与内地爱奇艺合作，第二季所有集数已经可以在内地网睇，当然引来不少die-hard观众即刻上内地网睇，唔洗等一个月已经可以睇埋大结局。唉..深受网友喜爱嘅千雪BB最终都系劫数难逃，被爸爸单立文杀死。咁咪同《EU超时任务》咁要观众喊到眼肿，千雪BB接受《香港01》访问都话，“结局系好唔开心，希望将来有机会拍返喜剧喇！”

第二季就主要讲王浩信同朱千雪嘅感情，但可惜期间受爸爸单立文棒打鸳鸯，唯有离开香港远赴美国读书仲要决定同翟威廉结婚，最后临结婚前嘅朱千雪因为忘记唔到王浩信，所以选择逃婚，仲返香港劝王浩信做手术。剧集边有咁完美..正当王浩信重见光明当天，朱千雪被杀，而张振朗更认定是凶手，李佳芯觉得另有内情，决定为张振朗做辩护律师。最终更有证物原来证明张振朗系无辜嘅，其实真正杀人凶手系单立文，之后单立文知道李佳芯揾到证物，紧系要杀Ali灭口，仲推埋对方落悬崖。

观众最sad一定系朱千雪同王浩信嘅感情最后都系同《EU超时任务》一样，都系带有凄美又遗憾，尤其今次朱千雪最后被杀死嘅时候，相信观众一定系边睇边喊，而千雪BB接受《香港01》访问时透露自己都有睇返被杀嘅场口，“结局当然系唔开心，其实呢场无论浩信还是监制都用花好多心机去做，表达出当中我地之间嘅感情，希望观众可以好似之前《EU超时任务》咁留下深刻印象。”千雪BB其后续道，“虽然结局不是最完美，我同浩信一路都好感激咁多人支持我地呢𠮶组合，同对之前剧集嘅延续，对我都系好深嘅感受。”