男团Hey Brother李思捷爆唐文龙好长气 “听个留言都要成粒钟”
撰文： 吴子生
出版：更新：
李思捷和麦长青（麦包）今日（7/1）现身荃湾出席《慈善星辉仁济夜》记者会，提到二人连同黄智贤、曹永廉及唐文龙组成男子组合“Hey Brother”，惹起网上热讨。麦包接受《香港01》访问时表示：“其实我哋都识咗二十几三十年，变咗我哋就谂吓有冇啲得意嘅嘅嘢可以玩吓呢，就系咁我哋就组成咗呢个男团。不过我系完全唔识音乐，都只系钟意唱歌，不过好彩佢哋教我。”
思捷就大爆5个人当中唐文龙是最长气个位：“其实我哋5个人都会有意见嘅，但𠮶个唐文龙就最长气，我喺个WhatsApp 度听啲留言系要听足成粒钟，因为佢解释得好详细，变咗我日日都听好多嘢。其实每个人有意见系好事，因为大家都好好朋友，咁所以系无所谓，最紧要系对事就不对人。”