谭辉智爆工作繁忙 无暇照顾家庭感内疚：个囡喊住唔俾我走

谭辉智今日（6/1）现身电视城出席《万千星辉颁奖典礼2024》“最佳男、女新人”5强候选人记者会。能够成功打入“最佳新人”最后5强，辉智接受《香港01》访问时表示：“开头系有少少惊讶嘅，因为我系唔知入围条件系乜嘢，我以为系有年龄限制，同埋又会认有冇拍过剧等等，但原来又唔系。其实呢一年自己都真系好忙，做晒我一生人冇做过嘅嘢，变咗就系因为咁可以角逐呢个奖项。”

提到这一年工作繁重，有否忽略家庭？辉智表示：“其实系有。就好似完咗比赛后，愈来愈忙。开头心谂小朋友放咗学之后，我返到屋企都会见到佢，食饭又会见到佢哋，因为之前假期都会有得见，觉得冇乜嘢。但点知而家连星期六日都未必有得见，甚至有时又唔系香港，可能会连续几日冇见小朋友。变咗个心系会好唔舒服，就会即刻睇吓行程时间表，有咩时间系可以见到佢哋，就尽量去见佢哋。（小朋友有冇唔开心？）试过几次，我同个囡食咗10分钟饭，然后我就要出门做嘢，我个囡直头系喊住唔俾我走，我明白佢个感受，咁难得见得我10分钟时间，然后我就要走，知道佢好唔舍得我。我有谂过带埋佢去，但我知道又唔得，咁所以我系有啲内疚。”