罗天宇买雪糕夜访香闺断正　陈懿德终极揭关系回应一年内结婚？

陈懿德（德德）今日（6/1）现身电视城出席《万千星辉颁奖典礼2024》“最佳男、女新人”5强候选人记者会。对于一直盛传她与罗天宇爱很低调发展地下情，而最近罗天宇出席完活动之后，被人直击开车飞奔买雪糕往她位于元朗的香闺相聚，恋情逐渐浮面。

德德接受《香港01》访问时表示：“其实我冇叫佢买雪糕，而且我都冇食到个雪糕。（雪糕买到返嚟溶晒？）唔⋯唔系呀，佢系买俾其他朋友。（佢买俾其他人食你唔嬲咩？）因为我Keep Fit嘛，咁所以我而家咩都唔食啦。（咁你唔好叫佢买咁多嘢俾你食啦！）我冇叫过呀，真系唔系真㗎，好无辜呀，雪糕又冇食，又唔系我叫。（夜麻麻去你屋企㖞！）唔系呀，成班朋友喺我屋企。（又系呢啲借口！）真系㗎。其实真系成班朋友嚟咗我屋企食饭，其实我估佢自己系有嘢做变咗佢要迟啲到，大家都有话佢乜你咁迟。（嚟近呢一年佢话想结婚，你有冇咁嘅谂法？）我唔知㖞，我会以工作为先。其实我嘅目标系放眼喺颁奖典礼上。”