陈百祥谭咏麟球队分家传闹不和　关礼杰惊青唔敢过档：校长话事

关礼杰和爱女关枫馨今日（7/12）齐齐现身将军澳电视城出席《欢乐满东华》项目彩排。关枫馨接受《香港01》访问时透露今次为《东华》节目站台伙拍陈百祥、汪明荃做司仪心情兴奋，亦大爆父亲关礼杰艳福无边，孖朱晨丽（朱朱）台上表演共舞。关礼杰笑说：“今次监制特登安排呢个项目俾我，当中我要同‘舞后’朱朱跳舞，我要跳牛仔同华尔滋舞，其实对我嚟讲都几大挑战，当中系要花好多时间去练。不过好彩自己有踢开波，变咗体能上边都应付到。”

对于一直盛传陈百祥与谭咏麟“分家”闹不和，问到会否充当和事佬化解冲突？关礼杰面露尴尬表示：“其实佢哋冇不和，佢哋有食饭，又去生日会，佢哋系好朋友嚟，而且大家系一家人嚟。（阿麟冇出席阿叻生日会！）阿叻哥摆成个月生日会，梗会有唔同朋友。（几耐冇同阿麟踢波，阿叻唔俾你同佢踢？）唔系，上次有踢，不过因为只脚要休息，同埋嚟近要排舞，变咗而家暂时唔踢得住。（你而家球队归阿叻定阿麟？）我哋都好Open嘅，都系校长（阿麟）话事。”