破地狱｜吸烟委批吸烟镜头多促杜绝　陈百祥闹爆：电影系梦工场

陈百祥（阿叻）今日（7/12）现身电视城出席《欢乐满东华》项目彩排。提到他日前75岁生日广邀圈中好友一同庆祝，场面盛大，当中老友许冠文亦有到场祝贺。阿叻接受《香港01》大赞许冠文在亿万票房电影《破·地狱》中演技精湛，希望对方再夺香港电影金像奖影帝殊荣。

提到电影《破·地狱》戏中有不少角色均有吸烟镜头，却惹来推动禁烟的吸烟与健康委员会不满，指吸烟镜头会向观众灌输“吸烟可解决问题”及“吸烟有型”等错误观念，呼吁应杜绝有关情况、停止在影视作品出现吸烟镜头，怗文一出吸引大批网民留言，不少人指出这种批评未免太矫枉过正，亦有影响自由创作之嫌。

阿叻寸爆表示：“呢套电影好唔好，票房就已经话咗俾你知啦，同埋电影系一个梦工场，电影嘅嘢系唔可以替代咗落去生活上，你话电影会影响暴力，又话会乜乜乜，如果个个都咁话，香港就唔会有电影。咁所以香港系最自由嘅电影，你钟意拍黑社会又得，你钟意闹政府又得，你钟意拍色情又得，乜都得不过有级数嘛。”

对于相关部门批吸烟镜头过多有不良影响，阿叻说：“政府部门实啱嘅咩，你好似觉得政府部门讲嘅嘢系啱，如果系啱，政府就唔会啱啱炒咗𠮶两位官员啦。每一件事你要独立思维，谂吓𠮶件事啱唔啱，大家觉得黑暴啱唔啱，你自己谂嘛。你觉得黎智英啱唔啱？而家咪知啱唔啱啰。电影系一个创作，系一个梦工场，系俾你去发挥无尽嘅发挥力，你有料有能力就会发挥到啦。（会唔会矫枉过正？）咁又未必，佢有佢嘅观点，我成日都话，人要有独立思维，官有官谂，民有民谂，你唔犯法就得啦。”