陈百祥亲揭与谭咏麟不和始末　唔再称呼对方做谭生关系回暖？

陈百祥（阿叻）日前大搞Party庆祝75岁生日，多位圈中好友都有出席，但校长同曾志伟就未有现身，令不和传闻甚嚣尘上。今日（7/12）阿叻现身将军澳电视城出席《欢乐满东华》项目彩排。就不和传闻接受《香港01》访问。

阿叻表示：“其实两位我都有请佢哋嚟，志伟唔嚟，我唔知咩原因，亦都冇问佢仲咩唔嚟。不过我就随意而安，佢得闲就嚟，可能佢唔系香港。（佢哋两个都有送上祝福？）佢哋两个都有俾短讯我，阿麟都有同我讲生日快乐，而阿麟我知佢唔舒服，同埋佢话佢唔喺香港，呢啲佢都有讲畀我知。（阿麟有咩唔舒服？）佢有咩唔舒服，佢演唱会都取消咗。（会唔会因为你个心唔舒服？）我同佢嘅关系一啲都冇唔舒服，不知几开心。就算我哋拆咗两队波之后，我喺佢嘅生日会度不知几开心，仲一齐嘻嘻哈哈，大家关系绝对冇问题。”