爱回家｜邵初自爆有心意对象暗恋对方6年之久：最后都系冇结果

邵初于2021年参加香港小姐，勇夺季军及友谊小姐奖项。今年7月，邵初获安排加入剧组《爱．回家之开心速递》饰演律师“Minnie”一角。邵初在剧中一头短发初登场即惹起网民关注，有网民大赞她很靓女有气质，而且演技够自然不做作。

昨日（12/11）邵初现身电视城出席无线处境喜剧《爱·回家之开心速递》宣传造势活动，接受《香港01》访问时表示：“其实都加入咗剧组都一段时间，环境所有嘢都适应。而最近编剧太有创意，系要我嘅角色Minnie去沟仔，对我嚟讲系有少少难。（本身沟仔对你嚟讲好难咩？）哈哈，本身我就冇难度嘅，但Minnie沟系有啲难度。因为Minnie本身系一个好强悍嘅律师嚟，要我喺剧入面去追男仔系有啲难。（现实你有冇试过主动追男仔？）系少嘅，反而我觉得而家冇呢样嘢，大多数系情投意合，大家系会自然走埋一齐。（读书嘅时候有冇遇到心意对象？）读书嘅时候有遇过一位男仔，我系暗恋咗佢六年，当时喺读紧小学四年级，我一直钟意佢到读中三嘅时候，点知最后都冇结果。不过之后大家都冇再联络，但如果见到面都会打招呼嘅始终都系朋友。”