袁文杰半月板撕裂忍痛开工多日完成戏份急入院动手术：软骨磨蚀咗

袁文杰近年凭无线处境喜剧《爱·回家之开心速递》中饰演“潮伟”一角备受网民喜爱。早前他在社交平台分享一张在医院的照片，见他手背上插有针管，而膝盖上又有两块纱布，令不少圈中好友及网民担心不已，纷纷送上祝福慰问。

袁文杰今日（12/11）现身电视城出席无线处境喜剧《爱·回家之开心速递》宣传造势活动，接受《香港01》访问时表示：“其实我系做完运动之后过几日，慢慢发觉膝头有啲痛，觉得有啲唔对路，于是睇医生照磁力共振，先发现我嘅半月板系撕裂咗，同埋啲软骨都磨蚀得好犀利，医生建议我做手术，但因为当时有剧要拍埋尾，变咗唔能够即刻做手术，要忍痛开咗几日工，拍晒之后就即刻入医做手术。手术后系比之前系好咗好多，但康复程度又冇我想像中好得咁快，而家未知使唔使做物理治疗，要观察多两个星期先知。（受伤呢段期间，太太皇帝式照顾你？）哈哈！咁又唔使，始终又唔系好严重，但入院做手术期间，我太太一直都留喺我身边照顾，好多谢佢。”